هجوم الحريري يشعل "لبنان القوي".. وباسيل: شو ما عملت ما رح تقدر تطالني

غرّد رئيس تكتل "لبنان القوي" النائب جبران باسيل عبر "تويتر"، قائلاً: "شو ما انت عملت وقلت ما رح تقدر تطالني، وكيف ما انا كنت ما رح اقبل كون متلك... بتفرّقنا بعض القيم والمبادئ، بس رح يرجع يجمعنا التفاهم الوطني... رحت بعيد بس رح ترجع، الفرق انو طريق الرجعة رح تكون أطول وأصعب عليك".

ابي خليل: كما توالت ردود وتغريدات نواب كتلة "لبنان القوي" على كلام الحريري،  فغرد النائب سيزار أبي خليل عبر حسابه على "تويتر" قائلا: "مين حكم البلد بثلاثين سنة وعمل سياساته المالية والاقتصادية؟ 83% للحريري وحلفائه و17% لأخصام الحريري. هيك بيحسبوا مين حكم البلد مش مين أخذ أكتر وزارة الطاقة".

الصحناوي: وتوجه النائب نقولا صحناوي، إلى  الحريري من دون أن يسميه، في تغريدة عبر "تويتر" قال فيها: "عم تحرض المسيحيين على بعضن وتحكي عن اتفاق معراب؟، نحنا يلي ما قبلنا معك تطلع أول حكومة إلا ما ياخدوا القوات متل ما بدن، ونحنا يلي قبلنا إنو ياخدوا بثاني حكومة 4 بدل 3. يللي مش قادر تتحملو أنت انو معنا القصة انتقلت من وزير للقوات بالـ2005 ل15 وزير مسيحي على 15 بالـ2018".

عازار:وغرد النائب  روجيه عازار قائلا: "اللي بدو يلغي الآخر ما بخلصك من الاسر ولا بصرّ تكون رئيس حكومة ولا بيعمل قانون بأمّن تمثيل الكل حسب حجمو الواقعي ولا بكون هوي أساس كل التفاهمات بالبلد".

عطالله: كما دّ النائب جورج عطالله عبر "تويتر" قائلا: "يا شيخ يلي بدو يلغي الحريرية السياسية ما بيرفض بالـ٢٠١٧ استقالتك من السعودية وبيبرم الدني تترجع رئيس حكومة، وما بيرفض بل ٢٠١٩ استقالتك وبيطلب منك تشكل حكومة جديدة، وما بيتمسك فيك ميثاقيا وما بيقبل حدا يمس بحضورك وصلاحياتك. إذا انت عم تلغي حالك بأدائك وكلامك ومواقفك شو خصنا نحنا؟".

خوري: وعلق عضو تكتل "لبنان القوي" النائب سليم خوري على خطاب الرئيس سعد الحريري بتغريدة عبر "تويتر" جاء فيها: "الخطاب في مكان، أما الحقيقة فهي في مكان آخر".